برطانیہ میں تیزآندھی، ویلز اور آئرلینڈ اوفیلیا سے بری طرح متاثر

لندن : برطانیہ میں سومیل فی گھنٹہ کی رفتار سے آندھی، انگلینڈ اور ویلز بری طرح متاثر،آئرلینڈ میں نصف صدی کے بدترین طوفان سے نظام زندگی درہم برہم ہوگیا۔مختلف حادثات میں 3 افراد ہلاک جبکہ لاکھوں گھروں کو بجلی کی فراہمی معطل ہوگئی۔ طوفان نےاسکاٹ لینڈ کا رخ کرلیا، پروازوں کا شیڈول متاثر ہوا ہے۔

اوفیلیا بحراوقیانوس میں 1939سے اب تک آنیوالا سب سے بڑا طوفان ہے ، آئر لینڈ کے جنوبی ساحلوں سے ٹکرانے سے پہلے شدت میں کمی کے باوجود ہواؤں کی رفتار 191 کلومیٹر فی گھنٹا ریکارڈ کی گئی جس سے درخت اور بجلی کی تاریں گرگئیں، جب کہ بعض چھتیں بھی اڑ گئیں